LANGIT UG ANG BALAANG SYUDAD,
ANG BAG-ONG JERUSALEM!

LANGIT: Si Ginoong Jesus niingon ngadto sa kawatan nga naghinulsol ug
nakakaplag ug kapasayloan,"Ako magaingon kanimo sa tinuod, karong
adlawa mahiuban ka sa akong paraiso" (Luk. 23:43)

ANG LANGIT MATUOD UG MAHIMONG IMONG MAANGKON!

UNSA KINI?

Walay kinutubang kasadya ug kalipay-ang kasubo ug ang panghupaw mangahanaw (Isa.35:10)
Panag-awit, pagdayeg ug pagsimba sa Dios (Pin. 5:9-14; 19:1-8).
Wala nay kamatayon, pagminatay, paghilak, kasakit, tunglo, gabii o panulay (Pin. 20:10; 21:4; 22:1-5). Dili na kinahanglanon ang hospital, polis, prisohan, sementeryo o ambulansya.
Tiunay nga kalinaw sa kalibutan sa panahon sa milenyo nga paghari ni Kristo (Isa. 11:6-9).
Bag-ong langit ug bag-ong yuta (Isa. 65:17; 66:22 2 Pedro 3:13; Pin. 21:1).
Ang bag-ong Jerusalem ginama sa bulawan, mga 1,400 hangtud sa 1,500 milya ang gihabugon, gitas-on ug gilapdon, adunay mga paril nga haspe, dalan nga bulawan, pultahang perlas nga dili gayud pagatakpan (Pin. 21:15-27). Ang Dios mismo ang nagdisenyo ug nagtukod sa Balaang Syudad (Heb. 11:10). Wala na kinahanglana ang adlaw o bulan sa pagdan-ag niini kay ang "suga mao man ang Cordero" (Pin. 21:23; 22:5). Atua didto ang suba sa tubig nga naghatag ug kinabuhi, kahoy nga nagahatag ug kinabuhi, ug ang trono sa Dios ug sa Cordero (Pin. 22:1-5).
Labaw sa tanan nga dili maitandi ning kinabuhi (Fil. 1:21,23).
Giandam alang sa mga nagahigugma sa Dios (Santiago 2:5) o sa mga matarung (Mat. 25:34-40).

UNSAON NIMO PAG-ADTO DIDTO HUMAN SA IMONG KAMATAYON?

Pinaagi lamang sa grasya, dili pinaagi sa buhat (Efe. 2:8,9).
Dumuol ka direkta kang Jesus nga matinud-anon sama niadtong kawatan nga nakakaplag ug kapasayloan (Luk. 23:42,43 cf. Juan 5:39,40). Ang Dios nasayod sa imong kasing-kasing, busa kinahanglang magmatinud-anon ka.
Higugmaa si Jesus labaw sa imong mga ginikanan, kapikas sa kinabuhi, mga anak, mga igsoon ug bisan pa sa imong kinabuhi (Mat. 10:37; Luk. 14:26). Si Jesus niingon, "Busa, bisan kinsa kaninyo nga dili mobiya sa tanan nga iyang gihuptan, dili siya mahimo nga akong tinun-an." (Luk. 14:33).
Magdumili ka sa imong kaugalingon,pas-ana ang imong krus sa matag-adlaw ug sumunod ka Kaniya (Luk. 9:23).
Kung gikinahanglan, andam kang mohalad sa imong kinabuhi alang ni Jesus (Mat. 10:39; Luk. 17:33; Pin. 12:11).
Lahutay diha sa pagbuhat ug matarung aron gantihan ka sa Dios ug kinabuhing dayon (Roma 2:7).
Pagpugas ug matarung alang sa pagpahimuot sa Espiritu Santo ug maani mo ang kinabuhing dayon (Gal. 6:8,9).
Sumugot ka Kaniya kay Siya ang tuboran sa kaluwasan sa tanang nagtuman sa Iyang kabubut-on (Heb. 5:9).
Pagkinabuhi alang ni Kristo karon (Fil. 1:21). 10. Kinsa kadtong nakabaton sa Anak adunay kinabuhi; kinsa kadtong wala nakabaton sa Anak sa Dios walay kinabuhi (I Juan 5:12).

UNSA KA MAHINUNGDANON ANG IMONG KALUWASAN?

Ang kinabuhing dayon labaw ka mahinungdanon kay sa salapi; tawhanong relasyon, mga higala, dungog, pagkainila, gahum o ang pag-angkon s tibuok kalibutan. Ayaw usiki ang imong kalag tungod niining mga butanga (Marcos 8:36). Ang imong kaluwasan mahinungdanon kaayo kay ang eternidad walay kinutuban. Ang imong pagkamatinud-anon ni Kristo karon (o ang pagkakulang niini) moapekto kanimo usa ka gatos ka tuig gikan karon o hangtud sa walay katapusan. Daghang mga tawo mibuhis na sa ilang kinabuhi, nabilanggo, nawad-an ug trabaho, asawa o bana, higala, pamilya, mga kabtangan ug uban pa aron mabatonan ang kaluwasan o magpabilin kini. Mahimong susama usab ang bili nga imong ibuhis diin kini usa ka pagsulay (Pin. 2:10,11).

Dumuol ka sa Dios ug magpabiling matinud-anon diha Kaniya. Kini ang pinakamahinugdanong butang nga imong pagabuhaton. Si Jesus niingon, "Panglimbasugi ninyo ang pagsulod agi sa pultahan nga masigpit; kay suginlan ko kamo nga daghan ang maninguha sa pagsulod apan dili makahimo" (Luk.13:24). Pabiling putli sa imong kaugalingon (I Tim. 5:22), gikan sa mga dios-dios (I Juan 5:21), gikan sa pagkahugaw sa kalibutan (San. 1:27), ug likayi ang tanang matang sa dautan (I Tes. 5:22). Ayaw tagaig dagkong bili ang mga butang kalibutanon kay kining tanan temporaryo lamang. Sukli ang temtasyon. Bantayi ang imong kaugalingon batok sa mga mini nga magtutudlo (saksi ni Jehovah, Mormons, mga pangulo sa ekumenikal nga kalihokan). Ayaw dayon ug too kon unsay imong nadungog gikan sa TV, radyo, pulpito o mga libro. Daghan nga ginatudlo karon pinaagi niini nga mga sayop ug makahilo sa imong kalag. Susiha diha sa kasulatan ang tanan mong nadungog o nabasa. Kung kini wala mahikaplagi gikan sa Bibliya, isalikway kini.

Si Jesus niingon,"Ang akong inahan ug akong mga igsoon mao kadtong magapatalinghug sa pulong sa Dios ug magatuman niini." (Luk. 8:21) Si Apostol Pablo niingon,"Ug ang mga iya ni Kristo Jesus naglansang sa ilang unod diha sa krus dala ang mga pangibug ug mga tinguha niini" (Gal. 5:24). Kadtong makasulod sa gingharian sa Dios gihinganlan ug giisip "Iyang mga tinawag, pinili ug kasaligang sumusunod" (Pin. 17:14). Ayaw ilimod si Kristo aron dili ka usab ilimod Niya (Mat. 10:33 cf. Luk. 12:4,5). Basaha ang 2 Pedro 1:5-10. Basaha ug pamalandungi, isaulo ug tumana ang nahisulat sa Bibliya.

IUYON ANG IMONG KASING-KASING SA MGA BUTANG SA ITAAS. MAGHARI KA UBAN NI JESUS HANGTUD SA KAHANGTURAN!

Return to Evangelical Outreach
https://www.evangelicaloutreach.org

LANGIT UG ANG BALAANG SYUDAD, ANG BAG-ONG JERUSALEM!